МЕЃУНАРОДЕН ЏЕЗ КВАРТЕТ

Европски џез и балкански сензибилитет во заедничка музичка приказна - МЕЃУНАРОДЕН ЏЕЗ-КВАРТЕТ: ОЛИВИЕ САМОИЛАН, САШО ПОПОВСКИ, ИВАН БЕЈКОВ И АЛЕКСАНДАР СЕКУЛОВСКИ, на 5. ноември во Public Room!
Меѓународниот џез-квартет составен од: Оливие Самоилан (виола), Сашо Поповски (гитара), Иван Бејков (контрабас) и Александар Секуловски (тапани), ги спојува различните музички традиции во современ и автентичен звучен израз.
Во нивната музика се преплетуваат европскиот џез, балканските влијанија и слободната импровизација во која, пак, се проткајуваат и валцерот и тангото создадени во автентичен манир.
Оваа соработка значи интересно поврзување на францускиот мултиинструменталист и композитор Оливие Самоилан со тројца истакнати македонски музичари, чии индивидуални стилови и уметнички искуства создаваат простор за нови музички истражувања. Преку интеракцијата на виолата, гитарата, контрабасот и тапаните, квартетот гради музички дијалог што се движи од суптилни, мелодични пасажи до динамични импровизации.
Посебноста на овој состав е во спојот на различни музички сензибилитети и во слободата секој инструмент да придонесе кон развојот на заедничкиот звук.