Jazz Extravaganza

Џијан Емин — клавијатури
Георги Шарески — гитара
Оливер Јосифовски — контрабас
Александар Петров — тапани
Џез Екстраваганза е проект на авторска музика, создаден од четворица исклучително креативни и уникатни македонски музичари — Џијан Емин, Георги Шарески, Оливер Јосифовски и Александар Петров.
Добро познати на македонската публика, овие четворица музичари речиси 25 години се среќаваат и соработуваат низ различни состави, оркестри и проекти. Нивното заедничко музичко искуство опфаќа голем број домашни и интернационални настапи, музика за театар, филм, телевизија и реклами, како и соработки со бројни интернационално етаблирани музичари.
Покрај долгогодишните заеднички искуства, секој од нив има изградено и сопствен, препознатлив музички пат, со значајни достигнувања во Македонија и на меѓународната сцена.
Jazz Extravaganza е супергрупа во вистинска смисла на зборот — состав во кој четворицата музичари ја претвораат својата долгогодишна интеракција во свежа и непредвидлива музичка енергија. Преку авторски композиции, импровизација и постојана меѓусебна комуникација, тие создаваат секогаш различна, жива и возбудлива музичка приказна.