MY COUSIN VLAD : Скопје

MY COUSIN VLAD е еден од најпопуларните комичари што се појавија во Австралија во последните неколку години. Со милиони прегледи и споделувања на социјалните мрежи, неговиот препознатлив хумор за балканските семејства, традициите, културните судири и апсурдите на секојдневниот живот му донесоа огромна публика низ светот.

Од 2021 година наваму, редовно распродава театри низ Австралија, меѓу кои и Sydney Opera House, Palais и Enmore Theatre. Неговите настапи се препознатливи по неверојатната енергија, спонтаноста и приказните во кои лесно се препознава секој што потекнува од Балканот или живее помеѓу две култури.

Покрај стендап-комедијата, Vlad (роден како Sash Mishevski) е автор на исклучително популарни музичкo-сатирични видеа во кои ги спојува оригиналната музика, гитарата како негов примарен инструмент и комедијата, создавајќи едни од највиралните комични содржини. Настапувал и на австралиското национално радио, а ја делел сцената и со некои од најпознатите австралиски комичари.

По серија распродадени турнеи низ Австралија, Обединетото Кралство, САД и Канада, MY COUSIN VLAD конечно пристигнува ДОМА, како дел од својата голема турнеја во 2026 година!
Како што знаеме да речеме во овој предел, еднаш годишно – сите да сме дома!
Така и Влад, од аеродром – директно на сцена.
Да ја поддржиме нашата дијаспора!