КОЈ СИ ТИ? - ПРОМОЦИЈА НА КНИГА И ПРЕМИЕРА НА КРАТОК ФИЛМ

„Кој си ти?“ е авторска културна вечер по повод нова книга што ја отвора темата за наследените семејни пораки, личната вредност и љубовта што никогаш не требало да се заслужува.
Една од клучните внатрешни пораки што ја носи главниот лик е: „не си вредна за љубов“. Таа порака во приказната се поврзува со потребата да се биде добра, силна и совршена за да се добие љубов.

Планирана програма:

• краток филм инспириран од книгата;
  
• музички настап на Ненад Јованов, оперски пејач;
  
• панел-дискусија со Бојана Стојменовиќ Петровска, психолог, семеен и системски советник;
  
• авторски разговор со публиката;
  
• потпишување и продажба на книгата по настанот.
  

Важно:

Настанот не е терапија, психолошка обука или стручна помош. Тој е јавен културен настан во кој авторската приказна се отвора преку литература, краток филм, музика и разговор, додека стручната перспектива на темата ја носи панел-дискусијата со психолог.