ПЕТОК 13ти: ТАЈНАТА ИСТОРИЈА НА ОКУЛТИЗМОТ И ДРЕВНИТЕ УЧЕЊА

Ве покануваме на предавање што ќе се одржи на петок 13-ти, датум што симболично ја надополнува темата на вечерта. Фокусот на вечерта се сублиминалните пораки, социјалниот инженеринг, и на историскиот развој на окултните симболи и тајните традиции на забранетите учења, практикувани од древни цивилизации, школи на мистерии, тајни друштва и магиски редови.
Дали во природата се кријат необични кодови што упатуваат на интелигентен дизајн?

Може ли церемонијалната магија да биде аргумент за постоењето на оностраното?

Зошто иницијацијата во одредени редови подразбира симболична „смрт“?

Како археологијата повторно и повторно нè соочува со сознанието дека сè е „уште постаро“?

Од каде потекнува „окултниот“ петок 13-ти?
Вечер исполнета со провокативни прашања, историски увиди и симболички толкувања, токму на датум кога мистеријата добива поинаква димензија.
Ратко Мартиновиќ од Хрватска е подкастер, автор на осум книги и ТВ водител кој, покрај наведените активности, истражува и гранични подрачја на науката. Во Podcast Inkubator и Rendezvous угостил бројни интересни и забавни личности од сите општествени сфери. За прв пат во Македонија ќе ги претстави неговите последни две книги на две предавања кои ќе можат да се следат и во живо преку платформата Zoom. Неговите последни книги ќе бидат претставени како дел од претстојните предавања во Македонија.