The Sonic Dawn

Од Копенхаген за прв пат во Македонија ни доаѓаат - The Sonic Dawn - еден од најистакнатите современи асид-рок бендови во Европа.

Формирани во 2013  — Emil Bureau, Jonas Waaben и Niels “Bird” Fuglede — триото до денес има испорачано пет албуми, препознатливи по нивната жешка, динамична мешавина на жанрови: од ситар-поп до тешка психоделија (heavy psych).

Дебито Perception (2015) им беше меѓународниот пробив преку берлинскиот Nasoni Records. Со вториот албум Into the Long Night (2017), објавен на Heavy Psych Sounds, следеше масивна европска турнеја — околу 60 концерти, вклучувајќи и две недели со Brant Bjork (САД) — со што цврсто го зацементираа своето име на сцената. Потоа дојде Eclipse (2019), албум што често се истакнува како еден од најдобрите психоделичен-поп изданија на деценијата — и повторно, бендот беше на турнеја во 11 различни земји.

Во 2020 го објавија Enter the Mirage, препознаен од Shindig Magazine како модерен псих-класик. Иако планираната турнеја беше скратена, сепак успеаја да настапат во легендарното ТВ-шоу на WDR — Rockpalast, низ кое со години поминале имиња како David Bowie, Grateful Dead и многу други.

Денес, нивниот петти албум Phantom (2024) е достапен ширум светот. Со официјално приклучување на долгогодишниот соработник Erik “Errka” Petersson како нов студиски член (органи/клавијатури), The Sonic Dawn продолжуваат со своето звучно патување. Круна на четири години создавање, албумот носи суров и тежок пристап, споен со мелодична психоделија по која бендот е препознатлив.