Љубовни писма

„Љубовни писма“ е топла, сугестивна и духовита претстава која преку размената на писма ја следи животната патека на Томас и Алис во период од 50 години. Претстава која зборува за соништата, за кариерата, за погрешното воспитување, амбицијата, за созревањето, за пропаднатите бракови, борбата за децата, за тивките разочарувања што ги носи животот...
 Иако тргнуваат по различни патишта, писмата остануваат нивниот заеднички простор – искрен, нежен и полн со хумор – како траен печат на нивната длабока љубов. Ова е претстава што буди тивка носталгија, која ја носиш со себе долго по гледањето, и нè потсетува дека за магијата на театарот понекогаш се доволни само една маса, две столици и два лика фрлени во животот.